Félag eldri borgara á Fljótsdalshéraði

Fréttir

Ferðasaga

18. júlí 2022

Sumarferð félagsins var farin í Þingeyjarsýslur, eða á kannske frekar að segja Þingeyjarsveit.  Þetta var tveggja daga ferð og var góð þátttaka eða 43 félagar. Lagt var af stað klukkan 9.00 mánudaginn 27.j úní , frá Hlymsdölum. Veðrið var ekki alveg eins og við hefðum kosið, lágskýjað og úrkoma. 

Leiðsögumenn í ferðinni voru Metúsalem Einarsson og Arndís Hólmgrímsdóttir,  frábærir leiðsögumenn, það var ekki komið að tómum kofanum hjá þeim.

Ekið sem leið liggur að Dettifossafleggjara og niður að bílastæði við  Dettifoss, þaðan gengið að útsýnisstað við fossinn.  Gaman að koma að fossinum þarna, vindurinn blés vatnsgufunni beint yfir útsýnisstaðina. Við skoðuðum líka  hina  útsýnisstaðina sem verið er að gera víð Jökulsárgljúfur, sem verða meiriháttar viðbót.

Ekið var áfram út á Kópasker og borðuð kjötsúpa á Skerkollu og safnið á Snartastöðum skoðað.  Óvænt var svo farið upp í Gilhaga og skoðuð ullarvinnslan þar, sem var frábært. Ekið áfram í náttstað  að Rauðuskriðu í Aðaldal.  Gistingin frábær og virkilega góður kvöldverður. 

28. júní  var ekið um í Aðaldal og Laxárdal.  Farnir margir útúrkrókar, Grenjaðarstaður , Hraunsrétt og farið alveg út í Sílakot og upp að Þverá í Laxárdal ,staðir sem margi hafa ekki skoðað.  Ekið upp í Mývatnssveit og drukkið kaffi í Kaffiborgir (Dimmuborgir).

Á heimleiðinni var að endingu komið við hjá Fjalla-Bensa í hrauninu á Mývatnsöræfum. Heim var svo komið rétt um klukkan 19.00. 

Allir glaðir og ánægðir.  Veðrið spilar alltaf heilmikið inn í ferðalög þannig var það líka í þessarri ferð, það skiptust á skin og skúrir, en heilt yfir var gott ferðaveður.

Fleiri myndir má sjá hér

Söguganga

18. júní 2022

Söguganga verður mánudaginn 20.06 2022 klukkan 13.30.   Sögumaður Margrét Björgvinsdóttir.  Mætum við Hlymsdali og röltum um gamla þorpið.  Létt ganga og allir geta tekið þátt.  Klæðnaður eftir veðri og endum á að fá okkur kaffibolla í lok göngu. 

Munið eftir 17. júní

15. júní 2022

Þið sem hafið tök á, dragið fánann að húni

Starfið

Færeyjaferð

28. nóvember 2022

Ferðalag um Þingeyjarsýslur

15. júní 2022

Góðir félagar !

Upplýsingar um væntanlegt ferðalag okkar um Þingeyjarsýslur 27 og 28 júní.

  • ÞAÐ ERU ENN LAUS SÆTI ! 
  • Innifalið er: Rúta, leiðsögn, gisting, kvöldverður og hádegissnarl.
  • Skráning í Hlymsdölum.
  • Brottför frá Hlymsdölum Kl. 9.00 mánudaginn 27. júní.
  • Ferðin kostar 34.000 kr. á mann og greiðist fyrir 16. júní nk. inn á Bankareikning 0305-26-322, kt. 451092-2009

Ferðanefndin

Púttvöllurinn

15. júní 2022
Púttvöllurinn bak við gamla pósthúsið.
Púttum alla morgna á virkum dögum kl. 10.00
Komið og prófið.
 

Auglýsingar

Haustfundur 2022

20. september 2022

Harmonikufélag Héraðsbúa tilkynnir.

15. júní 2022
Þá er það ákveðið!!!!
Takið daginn, 27. Ágúst 2022 frá strax!!
Harmonikufélag Héraðsbúa mun halda ágústdansleik félagsins laugardaginn 27 ágúst í Hótel Valaskjálf á Egilsstöðum. Endilega deilið þessu og látið vini og kunningja vita. Þetta verður örugglega eitthvað stórkostlegt. Covid 19 hefur gert það að verkum að þessi hátíð hefur fallið niður en nú verður tekið á því og ágústdansleikur haldinn með glæsibrag.
Meira um málið þegar nær dregur!! H.F.H

Aðalfundur 2022

19. apríl 2022

Félag eldri borgara á Fljótsdalshéraði

Kennitala: .... 451092-2009
Póstfang: ..... Miðvangi 6, 700 Egilsstöðum
Netfang: ....... This email address is being protected from spambots. You need JavaScript enabled to view it.

Upplýsingar

Félagsmiðstöðin Hlymsdalir: ........... 470-0798
Dagþjónustan Vinabær: ..................... 470-0796
Félagsþjónusta Fljótsdalshéraðs:  470-0700